Autoriteti Rrugor Shqiptar (ARRSH),ka bërë paraditen e sotme një njoftim mbi gjendjen e akseve rrugore për shkak të ngricave dhe borës.
Në faqen e saj zyrtare, ARRSH lajmëron se kontraktorët janë kujdesur për shpërndarjen e kripës në zonat ku janë krijuar ngrica në veri dhe juglindje të vendit.
Sipas Autoritetit Rrugor, qarkullimi në rrugë bëhet normalisht në të gjitha akset kombëtare.
ARRSH i kujton shoferëve që të tregohen të kujdesshëm në drejtimin e automjetit gjatë natës dhe orëve të para të mëngjesit për shkak të ngricave dhe dëborës në rrugë.
Kujtojmë se sot temperaturat kanë qenë shumë të ulëta dhe sipas Meteroalb në zonat malore variojnë nga -12°C në -3°C, në zonat e ulëta nga -4ºC në 04°C dhe në zonat bregdetare nga -1°C në 06°C.
Njoftimi i plotë:
Njoftim për gjendjen e akseve kombëtare dhe akseve dytësore
Reshjet kanë pushuar temperatutar janë shumë të ulëta në veri dhe në juglindje të vendit.
Kontraktorët kanë bërë shpërndarjen e kripës për të eleminuar ngricat.
Qarkullimi bëhet normalisht në të gjitha akset kombëtare.
Drejtuesit e mjeteve të tregohen të kujdesshëm sidomos gjatë natë dhe në orët e para të mëngjesit për shkak të ngricave në rrugë, të reduktojnë shpejtësinë dhe të respektojnë sinjalistikën./Gazetareforma.com/
