Ministria e Shëndetësisë ditën e sotme raportoi për 78 raste të reja, por deputetët e Kuvendit nuk shqetësohen aspak për rritjen e ndjeshme të numrit të të infektuarve.
Çdo ditë në media, mjekët këshillojnë mbajtjen e maskave në ambientet me shumë njerëz dhe sigurisht për ruajtjen e distancimit social.
Mesa duket, këto këshilla nuk ndiqen aspak nga deputetët e Kuvendit të Shqipërisë.
Në fotot e siguruara nga LSA-ja, duken disa prej tyre me maska, më të vjetërit, e të tjerë më pak kokëçarës.
Por ajo që bie në sy, është fakti se deputetët nuk ruajnë as distancën sociale.
Në një foto, duken katër prej tyre të ulur në një kafe dhe dy të tjerë, mes tyre Myslim Murrizi që rri në këmbë, shumë afër tyre.
