Ditën e kaluar ngjarja tragjike që ndodhi në Velipojë ku mbeti e vdekur nga një motor uji 17 vjeçarja Enisa Doda duket se ka vënë në lëvizje Drejtorinë Detare.
Mësohet se Drejtoria e Përgjithshme Detare ka vendosur të pezullojë përkohësisht lundrimin e mjeteve ujore në Velipojë, ndërsa nuk dihet ende sa do të vijojë ky pezullim.
Ndërkohë 17-vjeçarja Doda pushuese në Velipojë, u gjet e pajetë ditën e djeshme 700 metra larg bregut të detit.
Sipas Report tv, Enisa Doda kishte dale me motor uji në det bashkë me 25-vjeçarin, Indrit Bajraktari, i cili doli në breg në breg duke lënë të mbytur në ujë vajzën.Kanë qenë pronarët e motorit të ujit ata të cilët kanë nisur kërkimet në det, pasi të rinjtë kishin paguar për vetëm 30 minuta. Ata takuan fillimisht të riun i cili në dëshminë e tij ka gënjyer.
Trupi i saj i pajetë është gjetur nga peshkatarët pas rreth 15 minutash dhe nga hetimet paraprake kishte shenja dhune.
