OSBE ka reaguar përmes një deklarate për mediat lidhur me deklaratë lidhur me ngjarjen e rëndë që ndodhi një ditë më parë në Elbasan, ku u vra një person dhe u plagosën 4 të tjerë.Teksa kanë shprehur ngushëllimet për mjekun Pjerin Xhuvani , thekson se OSBE pret nga policia e institucionet gjyqësore të hetojnë plotësisht dhe të ndjekin penalisht këtë krim të shëmtuar. Ata kanë shtuar se besojnë fuqishëm që fushata zgjedhore dhe përgatitjet e zgjedhjeve janë një mundësi demokratike e jashtëzakonshme, të cilat nuk mund të njollosen me gjak dhe dhunë.“Prezenca e OSBE në Shqipëri vërejti me shqetësim incidentin e dhunshëm, që coi në humbjen e jetës në Elbasan. Mendimet tona janë, së pari, për familjen e viktimës. Ne besojmë, fuqimisht, që fushata zgjedhore dhe përgatitjet e zgjedhjeve janë një mundësi demokratike e jashtëzakonshme, e cila nuk mund të njolloset me gjak dhe dhunë. Presim që policia dhe institucionet gjyqësore të Shqipërisë ta hetojnë plotësisht dhe ta ndjekin penalisht këtë krim të shëmtuar”- thuhet në deklaratën e OSBE.
Kujtojmë se ditën e djeshme në qytetin e Elbasanit, pati një përplasje me armë zjarri ku mbeti i vdekur në vend Pjerin Xhuvani dhe u plagosën 4 persona të tjerë mes të cilëve një efektive e forcave “Shqiponja”.
