Një ngjarje tronditëse ka ndodhur në Korçë.
Një nënë me probleme të shëndetit mendor ka lindur fëmijën e saj dhe e ka mbyllur në një valixhe, aty ku fëmija ka humbur jetën. Theksojmë se foshnja ka qëndruar në valixhe për një muaj.
Nëna e 40-vjeçares që tronditi sot mbarë opinionin publik, ku pasi lindi foshnjën, e fshehu atë në një valixhe dhe e mbajti për një muaj në banesë, ka pohuar se nuk ishte në dijeni për shtatzëninë.
Teksa nga një anë pohoi se ishte në dijeni dhe në të njëjtin moment e mohoi, e moshuara tha se vajzën e kishte shtruar në spital.
“Vajza ishte mirë. Nuk e dija që ishte shtatzënë. Unë e shtrova në spital. Burri ishte në spital dhe erdhi. Tani nuk kam ngel më!”, u shpreh e moshuara, duke refuzuar bisedën me gazetarët.
Kujtojmë që ngjarja ndodhi në lagjen nr.15 në Korçë. Zonja jetonte në një hyrje të katit të dytë të një pallati ekzistues, bashkë me djalin e saj adoleshent, ndërsa burri ishte emigrant në Greqi.
Ishte pikërisht burri i saj i cili kishte zbuluar ngjarjen e rëndë, ku pasi kishte hapur një valixhe kishte parë fëmijën e pajetë. Thuhet se gruaja vuan nga probleme të shëndetit mendor.
