Të premten kryeministri Edi Rama lajmëroi lehtësimin e një sërë masash të marra kundër Covid-19, që përfshinin 8 pika:
1. Falen të gjitha gjobat për këmbësorët dhe shoferët, si edhe u kthehen parat atyre që kanë oaguar gjobat,
2. Javën e ardhshme, bizneset do mund të punojnë lirisht, brenda fashës së përcaktuar 5 e mëngjesit – 5.30 pasdite apo me turne,
3. Lëvizja me makina do jetë më e lehtë, pasi shoferët mund të marrin edhe një person tjetër në makinë,
4. Të moshuarit mund të dalin nga shtëpia të shtunën vetëm për ajrosje deri në orën 11 dhe mund të shoqërohen nga një tjetër person,
5. Nesër do të publikohen listat e bizneseve që fillojnë punën më 20 apo 27 prill,
6. Nga e hëna për të shkuar në punë me makinë merrni autorizim javor te e-Albania,
7. Nga java e ardhshme nuk ka më leje (autorizim) në policinë e shtetit, por te e-Albania
8. Javën tjetër lejohet lëvizja me makinë për arsye shëndetësore, por vetëm me autorizim
Rama bën lëshime të mëdha: Ja vendimet që komunikoi kryeministri
Ditën e djeshme u publikua lista e bizneseve që do mund të punojnë nga ora 05:00-17:30, me disa kushte bazë për punonjësit, në mënyrë të shmanget përhapja e COVID-19.
Në listën e atyre bizneseve që do të hapen janë edhe sipërmarrjet e prodhimit, artikujve tekstile, tregjeve të shumicës, hotelet, sektori i peshkimit, ushqimoret, fruta perimet, elektroniket, karburantet, mobiljet dhe elekroshtëpiaket.
Duke filluar nga dita e nesërme, po ashtu, pas 5 javësh do të mund të bëjmë pazar në disa dyqane.
Bëbet fjalë për dyqanet e kozmetikës, të kompjuterëve, të veshjeve, të bizhuterive apo elektroshtëpiakeve dhe mobiljeve, të cilat do të hapen pas urdhrit të ri të qeverisë.
Më poshtë keni një listë më të përmbledhur të dyqaneve që ofrojnë shërbim nga e hëna, datë 20 prill, të publikuar nga Iconsyle.al.
