Të premten kryeministri Edi Rama lajmëroi lehtësimin e një sërë masash të marra kundër Covid-19, që përfshinin 8 pika:
1. Falen të gjitha gjobat për këmbësorët dhe shoferët, si edhe u kthehen parat atyre që kanë oaguar gjobat,
2. Javën e ardhshme, bizneset do mund të punojnë lirisht, brenda fashës së përcaktuar 5 e mëngjesit – 5.30 pasdite apo me turne,
3. Lëvizja me makina do jetë më e lehtë, pasi shoferët mund të marrin edhe një person tjetër në makinë,
4. Të moshuarit mund të dalin nga shtëpia të shtunën vetëm për ajrosje deri në orën 11 dhe mund të shoqërohen nga një tjetër person,
5. Nesër do të publikohen listat e bizneseve që fillojnë punën më 20 apo 27 prill,
6. Nga e hëna për të shkuar në punë me makinë merrni autorizim javor te e-Albania,
7. Nga java e ardhshme nuk ka më leje (autorizim) në policinë e shtetit, por te e-Albania
8. Javën tjetër lejohet lëvizja me makinë për arsye shëndetësore, por vetëm me autorizim.
Rama bën lëshime të mëdha: Ja vendimet që komunikoi kryeministri
Sakaq, ditën e djeshme kryeministri Rama tha se e diela do i dedikohet nënave dhe fëmijëve, të cilët mund të dalin të shëtisin e të marrin ajër.
Së fundmi, me anë të një statusi në Facebook Rama ka publikuar disa foto nga dita e nesërme, teksa shkruan se do ishte bukur sikur kjo pamje të na shoqëronte nga prilli në shtator.
Sa bukur do të ishte sikur gjithnjë më pas, të kishim fundjava pa makina fare dhe të mbanim mend, se për hir të gjyshërve e të fëmijëve së paku, jetohet edhe pa semaforë, pa bori e pa smog, të shtunave e të dielave në këtë vend me klimë të mrekullueshme, të paktën nga shtatori në prill kur s’ka nisur ende koha e plazhit
