Masat e ndërmarra për kufizimin e përhapjes së koronavirusit në vendin tonë do të ashpërsohen nga dita e nesërme. Prej të mërkurës në vendin tonë do të ndalohet lëvizja pas orës 20:00 te mbremjes.
Lajmin e ka publikuar Fax Web që citon burime nga Komiteti Teknik i ekspertëve. Mësohet se nesër do të bëhet lajmërimi për ndryshimin e orës policore nga ora 22:00 qe eshte aktualisht në orën 20:00.
Kufizimet e reja vijnë si pasojë e shtimit të rasteve pozitive me COVID, ku gjatë ditëve të fundit shifrat i kanë tejkaluar mbi 1 mijë të infektuar.Ditën e sotme u regjistrua një rekord rastesh të reja që prej fillimit të pandemisë me 1239 të infektuar. Ndërkohë, numri i vdekjeve në 24 orët e fundit ka qenë 16 viktima.
Ministria e Shëndetësisë ka njoftuar më herët se në kater spitalet Covid-19, po trajtohen aktualisht 471 pacientë, 32 në terapi intensive nga të cilët 11 pacientë janë të intubuar.
Kufizimi i masave u paralajmërua më parë nga kryeministri Ram dhe ministrja Ogerta Manastirliu. Gjithashtu është bërë e ditur se ka sinjale të arsyeshme se në vednin tonë kanë hyrë variantet e reja të COVID-19. Ndërkohë, disa mostra janë dërguar në laboratorët gjerman për identifikim, pasi ISHP nuk i ka kapacitetet për t’i verifikuar
