Policia ka dhënë informacion zyrtar lidhur me ngjarjen e rëndë ndodhur në Paskuqan. Ditën e sotme, një ngjarje kriminale në Kamëz ka trodnitur vendin.
Dan Hutra ka plagosur me armë ish-bashkëjetuesen Elena Hysa, 35 vjeçe, dhe nënën e saj Kujtime Hysa, 60 vjeçe dhe ka vrarë me armë zjarri Mevlute Hysa 30 vjeçe, motrën e ish-bashkëjetueses së tij dhe Hasime Dafku 30 vjeçe, e e fejuara e vëllait të ish-bashkëjetueses. Ndërkohë që autori i ngajrjes së rëndë nuk është një person i panjohur për policinë e shtetit, kjo pasi ai ka precedent të theksuar kriminal.
Mësohet se në vitin 2007 ai ka vrarë gruan e tij, Dafina Havaljas, 22 vjeçe, nga Klosi. Ndërsa në vitin 2003 mori peng nënën dhe kunatën, dhe përdhunoi kunatën tjetër.
“Po, unë e kam vrarë gruan time, Dafinën, me thikë. Jemi grindur dhe më pas e kam goditur, por gjithçka e kam bërë pa vetëdijë”, deklaronte Dan Hutra në atë kohë.
Ndërkohë së fundmi ka qenë i dënuar për dhunë në familje, dhe është lënë i lirë në 16 shkurt të këtij viti. Ndodhur para këtyre fakteve, vlen të përmendim se këto ngjarje të rënda kriminale edhe mund të parandalohen nëse policia merr masat e duhura për personat të cilët kanë precedent penal.
