Gazeta e njohur spanjolle Mundo Deportivo, së bashku me Discovery Uk, janë përpjekur që të hetojnë shkakun e vdekjes së legjendës së futbollit botëror, Diego Armando Maradonës në moshën 60-vjeçare. Për këtë arsye këto dy media kanë bashkëpunuar së bashku me ITN Productions në një dokumentar me titull: “Çfarë e vrau Maradonën?”
Javët e fundit janë shkruar dhe thënë shumë për Diego Armando Maradonën. Vdekja e tij, në moshën 60 vjeç, tronditi të gjithë botën, por midis trashëgimisë së lënë prej tij, historive në dhomat e zhveshjes, një lloj misteri qëndron mbi shkaqet e vdekjes së tij.
Versioni zyrtar flet për mosfunksionimin e zemrës, por ka hije dyshimi mbi të vërtetën. Përmes intervistave me shkencëtarë, mjekë dhe njerëz të ndryshëm pranë Maradonës , ky dokumentar përpiqet të analizojë shkaqet e vërteta që çuan në vdekjen e kampionit të madh të futbollit. Nëpërmjet këtij dokumentari bëhet një kthim pas duke u përqëndruar në stilin e tij të jetës, për të hapur “Kutinë e Pandorës”.
“Ky dokumentar ofron një pasqyrë unike në jetën dhe vdekjen e Maradonës, duke folur me njerëzit që e njihnin, e donin dhe punonin me të,” – zbuloi Sarah-Jane Cohen nga ITN Productions. Dokumentari pritet të jetë shfaqet ekskluzivisht në platformën “Discovery Plus”, duke filluar nga 28 dhjetori./Gazetareforma.com/
