Një nga banoret e “5 Majit”, Liza Marku, e njohur si Nëna Liza që preku zemrat e shqiptarëve pas shkatërrimit të banesës së saj, ka qenë e pranishme në seancën dëgjimore në Komisionin e Ligjeve.
Pas apelit të fortë dhe renditjes së kërkesave nga ana e saj, nënë Liza tregon se si ka nisur aksioni për shembjen e shtëpisë së saj.
Ndërkohë ditën e sotme presidenti Ilir Meta ka reaguar në lidhej me prezencën e nënë Lizës në Komisionine Ligjeve.
Ai është shprehur se e moshuara iu dha një leksion culture dhe dije deputetëve dhe ëstë shembull frymëzues për protesta paqësore kundër regjimit politik që iu cënon të drjetën e tyre.
“Leksion kulture dhe dije deputetëve nga Nënë Liza. Është zëri i fuqishëm i shumë shqiptarëve, që vuajnë sot dhunën e një pushteti arrogant dhe kleptokrat, që nuk pyet as për të moshuarit dhe foshnjat në mes të dimrit dhe të ftohtit. Nënë Liza, shembull frymëzues për protesta paqësore kundër një regjimi arbitrar dhe policesk. Mjaft me dhunimin e të drejtave të njeriut! Qytetarët shqiptarë nuk janë kavje eksperimentale”, shkruan presidenti Meta.
Kujtojmë që nënë Liza, banore e prekur nga projekti tek lagjia “5 Maji” në Tiranë, në komisionin e ligjeve është shprehur si më poshtë:
“Kam pasur shtëpi 3 katëshe. Na kanë njoftuar se do vijnë në 6 dhe kanë ardhur në katër të mëngjesit e kanë këputur dritat. Shtetrrethim. Në katër të mëngjesit. Policia kishte bërë shtetrrethim te 5 maji. Çfarë do bënin 1300 policë me 3 të vobektë, kanë ardhur kanë plas në shtëpinë ne si xhandarët e Zogut njëherë e një kohë. Kur kam dash me marrë rrobat, me marrë ilaçet, lekët e bukës jo asgjë nuk na lanë. 4 policë na nxorën jashtë, me këtë shtet jemi duke hyrë në gropë jo në Evropë” – ka shtuar ajo.
