Ditës së katërt të protestës i është bashkuar edhe nënë Liza, e cila protestonte për mos shembjen e banesa në zonën e 5 majit.
Nënë Liza i bëri thirrje rinisë të protestojë.“Ai ngriti çmimet, ngriti taksat. S’ka rrugë ndryshe, ngrihuni në protestë. Unë jam Nënë Liza, na nxori nga shtëpia. Meqë na shembi shtëpitë, na ngriti dhe çmimet. Duam bukë dhe shtëpi. Ky po qe burrë, do dalë para këtij populli të lërë zyrën.Falënderoj të gjithë popullin shqiptarë sa më shumë dhe sa më të fortë. Rinia të jetë në këmbë, unë jam 85-vjeçare”, tha ajo.
Edlira Çepani: Pse nuk reagojnë shqiptarët, ja ku janë shqiptarët, ne kemi një mesazh sot, për të gjithë ata që janë sot, boll u tallët me shqiptarët, boll na vodhët, boll na tallët, shkelet, se populli meriton shumë më tepër se sa ju bashkë, fjalë jonë është kjo, boll na vodhët, boll na vodhët.
Jemi për familjen tonë, për fëmijët tanë, për të rinjtë tanë që në vend tiu gjejnë punë, iu gjejnë vend në biruca, turp tju vijë.
Boll na vodhët, bollna vodhët.
Ervin Goci: Besoj se kjo është një nga protestat më të mëdha që ka shqiptari në historinë esaj, është një ditë që ta mbush zemrën me emocion dhe shpresë, gjithë shqiptarët janë në protestë, ka shumë pak makina, ata nuk kanë ardhur në protestë por e dinë që ti shtypësh gazin është të sabotosh protestën, shoferat nuk i bini as borësisë, ka solidaritet.
