Një 14-vjeçar në Vlorë u ndalua nga policia disa ditë më parë, pasi iu gjet një armë zjarri tip pistoletë dhe një sasi fishekësh.
Pas ndalimit, ai u lirua dhe foli në emisionin “Me Zemër të Hapur” për ngjarjen dhe pasojat që ka përjetuar.
I riu shpjegoi se ka ndjerë një ndryshim në mënyrën se si e shohin të tjerët pas ngjarjes: “Në shkollë më pritën mirë, por kisha ndjesinë se më shikonin si një kriminel. Mësuesit më pritën shumë mirë,” u shpreh ai. Ai gjithashtu theksoi se është penduar shumë për veprimin e tij: “Nuk kam shpërndarë armën në rrjetet sociale. I kërkova ndjesë babait dhe nënës. Kam ndjerë shumë pendim.”
Ngjarja ka shkaktuar shqetësim për sigurinë dhe përdorimin e armëve nga të rinjtë. 14-vjeçari shtoi se tani është i gatshëm të përballet me pasojat dhe të mësojë nga gabimi që ka bërë.
