Kryeministri Edi Rama është nisur sot drejt Turiqisë dhe mësohet se do të qendrojë atje mbrëmjen e sotme. Kjo vizitë do të kryhet në kuadër të finalizimit të marrëveshjes për vaksinat anti-covid.
Gjithashtu kryeministri pritet të zhvillojë takim me presidentin turk, Tahip Erdogan. Kujtojmë se sot u nënshkrua akti normativ për vaksinat kineze, të cilat do të merren ndërmjet distributorit turk.
‘’Sot finalizojmë aktin normativ për distributorin që kemi autorizua. Sot përmbyllet. Dhe besoj që nga java tjetër fillojmë vaksinimi masiv.’’- tha Manastirliu.
Gjithashtu, më datë 22 mars në Shqipëri mbërritën 10 mijë doza të vaksinës ruse Sputnik V, të cilat ishin dhuratë nga Princi i Kurorës së Emirateve të Bashkuara, Muhammed Bin Zayed.
Vlen të theksohet se takimi i kryeministrit do të zhvillohet një ditë para nisjes zyrtare të fushatës elektorale.
Kujtojmë se nesër Partia Socialiste do të hapë zyrtraish fushatën elektorale për zgjedhjet parlamentare të 25 prillit.
Fushata do të nisë në orën 18:00, me një miting në sheshin kryesor të kryeqytetit, për të vijuar më tej në të gjithë vendin, përgjatë muajit të fundit para zgjedhjeve.
Nga ana tjetër, Partia Demokratike do të nisë nesër zyrtarisht fushatën elektorale për zgjedhjet e 25 prillit.
Pritet, që nesër në orën 17:00 të zhvillohet ceremonia e PD në Sheshin “Nënë Tereza”.
Në këtë ceremoni, së bashku me krydemokratin Lulzim Basha, do të jenë të pranishëm edhe të gjithë kandidatët e Partisë Demokratike, në 12 qarqet e vendit.
