Vera është shumë pranë tashmë dhe temperaturat po rriten çdo ditë e më shumë.
Padyshim ky sezon veror do jetë ndryshe nga çdo vit, teksa të gjithë duan të dinë se çfarë duhet të bëjnë për të shmangur rrezikun e infektimit nga Covid-19, ndonëse mjekët kanë deklaruar se uji dhe rëra nuk përbëjnë rrezik transmetimi të virusit.
Gazeta shqip ka pyetur dy ekspertë të sëmundjeve infektive se si të mbrohemi nga virusi këtë verë, duke listuar disa këshilla:
Shkoni të përgatitur/ Ju mund të merrni vetë xhelat tuaj dezinfektues për të pastruar vendin tuaj kur të mbërrini. Ju gjithashtu duhet të keni një maskë për fytyrën.
Në ujë/ Koronavirusi nuk ka të mundësi të përhapet në ujë, thotë CDC. Por ende ka shumë që nuk dimë për Covid-19, kështu që gjëja më e sigurt për të bërë është të ruani distancën nga të tjerët.
Mos vendosni maskë në ujë/ Është thjesht jo praktike! Një maskë e lagur mund të jetë e rrezikshme nëse pengon frymëmarrjen tuaj. Ruani maskën kur të dilni përsëri në tokë.
Ruani distancën/ Mos harroni, njerëzit e përhapin koronavirusin, jo uji.
Në rërë/ Ekspertët e sëmundjes infektive janë optimistë se njerëzit mund të shijojnë ambientet e jashtme këtë verë. Nëse vendi është i mbipopulluar mos qëndroni atje.
Vendosni një maskë/ Pavarësisht nëse jeni në një plazhë publik, vend parkimi ose një supermarket, duhet ta vendosni maskën.
Në diell/ Shkencëtarët mezi presin të shohin nëse virusi do dobësohet gjatë verës.
Ruani higjenën/ Drita e diellit nuk do të pastrojë duart tuaja. Lani ato shpesh kur jeni rreth njerëzve të tjerë në publik.
Mos harroni kremin e diellit/ Maska mbron vetëm gjysmën e poshtme të fytyrës suaj! Mos harroni të aplikoni rregullisht kremin kur jeni në diell, minimizimi i kontaktit me të huajt është ende thelbësore.
