Ditën e sotme Aleanca për Mbrojtjen e Teatrit, me në krye regjisorë, akorë, profesorë por edhe njerëz dashsamirës të artit po protestojnë kundër prishjes së Teatrit Kombëtar.
Para kamerave ka folur edhe regjisori Edmond Budina, i cili është shprehur se do rezistojë deri në fund për të mos lejuar prishjen e Teatrit.
Budina është shprehur se i vetmi mjet mbrojtës që kanë është rezistenca.
“Unë nuk jam me asnjë parti politike, as me PD e as me Ps.
Ka dicka të ngutshme këtu, ka një nxitim për ta shkatërruar sa më shpejt, duan ta prishin që të marrin gjithcka të dorë. Veliaj gënjen ditën për diell, nëse merr truallin ai ngre kulla.
E njoh unë atë. Thotë për mua që jam anëtar në Këshillin Drejtues të PD, kjo është shpifje por ata e kanë moto shpifjen.
Një kryetar bashkie që thotë se po zhvillon qytetin nuk sillet në këtë mënyrë, këto janë afera të pista.
Paratë e shqiptarëve le t’i shfrytëzojnë për teatër të ri, por ata s’duan t’ja dinë për teatrin, duan të marrin truallin.
Në këtu do rrimë, le të na tërheqin zvarrë, të na vrasin, ne do jemi këtu! Ne nuk kemi kallash, ata kanë përdorur gaz ndaj qytetarëve të tyre, ne do qëndrojmë paqësisht”,- tha ai.
