Disa efektivë policia kanë rrezikuar jetën ndërkohëqë kanë shkuar për të vënë në pranga një hajdut. Pasi morën informacione të sigurta ppër vendndodhjen e autorit, efektivët u vunë në ndjekjë të personit në fjalë, I cili akuzohej për disa vjedhje.
Por kur Elis Suçi ka kuptuar që po e ndiqet policia, ka qëlluar me pistoletë dhe është larguar. Shërbimet e Policisë Kamëz, grupe të forcës së posaçme Shqiponjat dhe të Operacionales të DVP Tiranë po krehin zonën me qëllim kapjen e tij. Theksojmë se operacioni u zhvillua në rrugën “Nënë Tereza”, pranë një hoteli.
Shërbimet e policisë kanë ndjekur Elis Suçin të shpallur në kërkim për vjedhje kryer në bashkëpunim, me masë sigurie “Arrest në burg”, në kuadër të operacionit policor të koduar “Përsëritësit”, kryer nga Komisariati i Policisë Kamëz.
Informacioni i policisë së shtetit:
Shërbimet e Komisariatit të Policisë Nr. 5, pas informacioneve të siguruara për vendndodhjen e një personi në kërkim për vjedhje, janë vënë në ndjekje të tij. Shtetasi në kërkim E. S., kur ka konstatuar se po ndiqej nga shërbimet e Policisë, ka qëlluar me armë zjarri dhe është larguar me shpejtësi.
Shërbimet e policisë vijojnë krehjen e zonës për kapjen e shtetasit në kërkim që dyshohet se ka qëlluar me armë zjarri.
