Hetuesit e Byrosë Kombëtare të Hetimit, kanë mësyrë ditën e djeshme në një kafe pranë SPAK, ku kanë vënë në pranga Ismal Sefën, i dyshuar si pjesë e trafikut të drogës Shqipëri-Gjermani. Ndaj tij SPAK ka dhënë një masë sigurie në mungesë, ndërsa mesditën e djeshme ai është lokalizuar në një bar kafe përballë Peokurorisë së Posaçme.
GJKKO i ka komunikuar Sefës sot masën e sigurisë dhënë në mungesë, arrest në qeli për 9 episode trafikimi pëgjatë 2020-2021. Mësohet se Sefa kishte shkuar pranë SPAK, për të takuar avokatin që kishte kontaktuar për mbrojtjen e tij. I vëllai i Islam Sefës, Bujar Sefa u dënua vetëm dy ditë më parë me 10 vite burg nga GJKKO, ndërsa Islam Sefa rezulton i dënuar me 9 vjet e 9 muaj në Itali. Ai u arrestua bashkë me 7 pjesëtarët e grupit të kultivimit të drogës në Njësinë Administrative Cudhi të Bashkisë Krujë, fshatrat Noj, Shkretë, Rranxë, Bruz Mal, Bruz Zall, në sipërfaqe tokash pyll kryesisht me pronar “shtet” zona kufitare me njëra-tjetrën. Kultivuesit e drogës në Krujë, nuk komunikonin me telefon, por vetëm me radio dhe aplikacione me internet.
