Një atentat me snajper u bë ditën e sotme në Elbasan ndaj Ardian Çapjas.
Ky i fundit është plagosur në shpatull, i cili mendohet se është në gjendje të rëndë shëndetësore.
Snajperi me të cilin u qëllua Çapja është djegur brenda makinës që iu vu flaka nga autorët.
I plagosur ka mbetur edhe zjarrfikësi Dash Muhaxhiri.
38-vjeçari ka rrëfyer nga shtrati i spitalit të gjithë atë që ka ndodhur.
Muhaxhiri ka thënë se nuk ka parë plumba, por ka dëgjuar vetëm një shpërthim dhe më pas ka parë që në këmbë i kanë hyrë disa ashkla llamarine.
“Ngjarja ka ndodhur pas një njoftimi zjarri se na thanë se digjej një makinë, në momentin që kemi arritur në vendin e ngjarjes dhe fiket makina ndodhi një shpërthim dhe nuk e vura re,
Nuk e di se çfarë ishte, mendova ndonjë gomë.
Në këmbë kisha ashkla llamarine”, është shprehur zjarrfikësi.
Ngjarja e rëndë ndodhi mëngjesin e sotëm në zonën e Krastës në Elbasan, ku Ardian Çapja, ka rënë pre për herë të tretë e një atentati, ku është qëlluar me snajper, por nuk është arritur që të eliminohet.
