Një ngjarje e rëndë ka ndodhur në Kuçovë, ku 40-vjeçarja, Zamira Sefa, i ka dhënë fund jetës, duke u vetëvarur në dhomën e saj të gjumit.
Bashkëshorti i viktimës e ka gjetur atë të pajetë,duke njoftuar menjëherë policinë, teksa në vendngjarje kanë shkuar menjëherë forca të policisë dhe ekspertë kriminialistikë që bënë edhe këqyrjen e vendngjarjes.
Më pas, bashkëshorti ka humbur ndjenjat dhe është transportuar menjëherë për në spital, ku gjendet nën kujdesin e mjekëve.
Ngjarja ka ndodhur pak pas mesnate në banesën ku ajo jetonte me bashkëshortin dhe dy fëmijët në lagjen “11 Janari”.
Burime nga policia bëjnë me dije për ‘BalkanWeb’, se gruaja kishte kohë që vuante nga depresioni për shkak të kushteve të rënduara ekonomike në të cilat jetonte dhe kjo mendohet të jetë edhe shkaku që e ka çuar të ndërmarrë aktin e vetëflijimit.
Nga ana tjetër, policia po vijon hetimet për zbardhjen e plotë të shkaqeve të ngjarjes së rëndë.
