Sekretari i Marrëdhënieve me Jashtë në PPE, Patric Woller, ka mbështetur hapur kryedemokratin Lulzim Basha dhe Partinë Demokratike.
Me anë të një reagimi të shkurtër në rrjetet sociale, Woller shpërndau një video nga takimi elektoral i nisjes së fushatës së PD, duke e shoqëruar me fjalët se “ndryshimi është i nevojshëm”.
Gjithashtu, Patric Woller ka akuzuar Partinë Socialiste se është duke kandiduar me persona që janë pjesë e listës së zezë të SHBA.
“Ndryshimi është i nevojshëm për Shqipërinë Evropiane! Urimet më të mira për PDSH-në! Ndryshimi i nevojshëm është në rrugë e sipër, ndërsa socialistët garojnë me kandidatin e listës së zezë së SHBA…”, u shpreh ai.
Kujtojmë se dje nisi zyrtarisht fushata elektorale në vend. Dy partitë e mëdha çelën takimet në dy sheshet kryesore në kryeqytet. PD e zhvilloi në sheshin “nënë Tereza”, ndërsa PS në sheshin “Skënderbej”.
Nga dy takimet e mbajtura u vu re një mënyrë e veçantë e zhvillimit. Partia Socialiste e zhvilloi ndërmjet një platfromë digjitale, ndërsa PD në tubime masive njerëz, në kohë pandemie.
Postimi i plotë:
“Ndryshimi është i nevojshëm për Shqipërinë Evropiane! Urimet më të mira për PDSH-në! Ndryshimi i nevojshëm është në rrugë e sipër, ndërsa socialistët garojnë me kandidatin e listës së zezë së SHBA…”
