Kryeministri i vendit Edi Rama, me anë të një video të publikuar në rrjetet sociale ka sqaruar ndryshimet e reja që janë bërë në aplikacionin “Komisariati Dixhital”. “Mirëmëngjes me Komisariatin e Ri Dixhital, ku është zgjeruar hapësira për veprim e qytetarëve, të cilët ndër të tjera mund të monitorojnë edhe reagimin e Policisë së Shtetit”, shkruan kryeministri në statusin e tij në rrjetet sociale,
Gjithashtu në këtë aplikacion, janë shtuar disa shërbime më shumë . Ndër to janë raportimi i dhunës në familje dhe krimi mjedisor.
Rama thotë mbi videon e publikuar se tanimë, qytetarët kanë mundësi të monitorojnë reagimin e Policisë së Shtetit.
“MIRËMËNGJES
dhe me Komisariatin e Ri Dixhital, ku është zgjeruar hapësira për veprim e qytetarëve, të cilët ndër të tjera mund të monitorojnë edhe reagimin e Policisë së Shtetit ndaj ankesës a kërkesës së tyre, vetëm me një klik nga smartfoni ose kompjuteri, ju uroj një ditë të mbarë”, postimi i plotë i kryeministrit.
Komisariati Dixhital ka në aplikacionin kryesore dy shërbime të reja me përditësimet e fundit që janë bërë. Aplikacioni mund të shkarkohet falas në çdo smartfon. Dy aplikacionet e reja që janë shtuar në kategorinë e ankesave janë “Dhuna në familje” dhe “Krim Mjedisor”. Në videon e publikuar sqarohet qartë mënyra se si mund të denonconi këto dy fenomene nga smartfoni juaj.
