SPAK ka nisur hetimet në lidhje me dosjen e përgjimeve të antimafies italiane, që mbërriti në Shqipëri një javë më parë. Abc news shkruan se prokuroria ka kërkuar shkresa nga agjencia e prokurorimit publik, për hetimin e nisur pas përgjimeve në Itali.
Ndër të tjera, SPAK ka bërë kërkesë për listën e plotë të tenderave që janë dhënë nga viti 2013 e deri tani. Informacioni është kërkuar për tendrat që janë përmendur në përgjime. Ndërsa, momentalisht, dosaj është duke u përkthyer nga përkthyes të licensuar në ministrinë e Drejtësisë.
Prokuroria e Posaçme Kundër Korrupsionit Krimit të Oganizuar nisi pak ditë më parë hetimet për dosjen e bujshme që u publikya nga mediat shqiptare. Janë disa përgjime të antimafies italiane ku përmenden lidhjet e politikanëve shqiptarë me njerëz nga organizata mafioze “Ndragheta”. Në to përmendet kryetari i Bashkisë, Erion Veliaj, ministra, zv/ministra dhe kreu i Policisë së Shtetit, Ardi Veliu.
Personat në fjalë, nëse dalin fajtor do të gjykohen për veprat penale “Korrupsioni pasiv i personave që ushtrojnë funksione publike”, “Grupi i strukturuar kriminal”, “Pastrimi i produkteve të veprës penale ose veprimtarisë kriminale” të kryera në kuadër të grupit të strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”.
