Ka përfunduar procesi i numërimit të votave dhe në bashkinë e Himarës. Kandidati i koalicionit “Bashkë Fitojmë” Fredi Beleri ka fituar zgjedhjet në Bashkinë e Himarës. Gara mes kandidatit socialsit Jorgo Goro dhe Belerit ishte tepër e ngushtë.
Beleri ka marrë 3818 vota ndërsa kundërshtari i tij socialist në këto zgjedhje lokale mori 3837 vota. Diferenca e votave mes tyre është 19 vota.
Fredi Beleri, u arrestua mëngjesin e 12 majit me urdhër të Prokurorisë së Vlorës me akuzën e ‘korrupsionit aktiv në zgjedhjet’, pra për blerje të votave. Ai u ndalua nga policia mbrëmë në mesnatë, bashkë me 3 të tjerë, ndërkohë që ishte prej ditësh në hetim.
Ndërkohë tani pritet procesi gjyqësor për Fredi Belerin nëse ky i fundit do të ulet në karrigen e kryetarit të Bashkisë së Himarës apo në këtë Bashki do të zhvillohen sërish zgjedhje të tjera.
Theksojmë se mbi 3.6 milionë qytetarë kishin të drejtë vote, për të zgjedhur 61 kandidatë për kryebashkiakë. Në 61 bashki të vendit ishin të hapura 5213 qendra votimi. Mbi 500 qendra votimi shfaqën probleme teknike me identifikimin biometrik, duke shkaktuar vonesa në votime. Për herë të parë në Kamëz, Vorë dhe Elbasan pati votim dhe numërim elektronik dhe në të treja këto bashki, ku fituese rezultoi Partia Socialiste.
