Krimi horror në Fier ku vjehrri ka vrarë nusen dhe më pas është vetëvarë, i ka tronditur të gjithë.
Vajza e autorit dhe motra e bashkëshortit të Merushes, Fatjonit, ka treguar gjatë emisioni “Zemër e Hapur” në News 24 se babai dhe i vëllai jetonin në shtëpi të ndara dhe pranoi se kanë pasur probleme sistematike, për shkak se familja nuk pranonte lidhjen e tij me 30-vjeçaren.
Kujtojmë që Merushe Hazizi kishte pasur një martesë më përpara nga e cila kishte 3 fëmijë.
Ajo shtoi se babai i saj i cili kreu krimin është ndikuar nga fjalët e njerëzëve të tjerë. Ajo tha se i vëllai e donte atë, donte të shkonte dhe sot në varrimin e Merushes por nuk e lanë.
Vajza e autorit, vë theksin edhe tek gjendja psikologjike e rënduar e vëllait të saj, Fatjonit, i cili sipas saj vetëm qan.
“Jo, babai jetonte në shtëpi e vogël, ndërsa vëllai te shtëpia e madhe. Nuk donin që të bashkëjetonin bashkë dhe u detyrua. Me të dëgjuar njerëzit, ka dëgjuar që është kështu ashtu dhe e ktheu në tragjedi. Me shumë mundësi nuk janë takuar. Nuk takoheshin sepse nuk e donin atë lidhje. Fatjoni kishte edhe varrimin këndej. Ajo që ndodhi ndodhi. Fatjoni donte të shkonte në varrim, nuk e lanë. Fatjoni vetëm qan, nuk e qasi në shtëpi sepse i mori jetën e gruas. Edhe mami nuk është mirë, është me njerëz lart”, tha vajza e autorit.
