Ministri i shëndetësisë i Argjentinës ka thënë dorëheqjen pas lajmeve se njerëzit kishin përdorur lidhjetqë kishin me të për të marrë vaksinat COVID-19 për të cilat nuk kishin të drejtë. Gines Gonzalez Garcia tha në një letër të postuar në Twitter se individët ishin në gjendje të shmangnin procedurën e duhur për vaksinimet për shkak të “konfuzionit të padëshiruar” në zyrën e tij ndërsa ai ishte larg.
Dy burime në presidencë thanë më herët se presidenti Alberto Fernandez kishte kërkuar dorëheqjen e Gines pasi akuzat u bënë publike në media për të paktën 10 persona që merrnin vaksinat pa ndjekur procedurën e duhur, mes tyre një gazetar veteran që pretendoi se kishte marrë një të tillë pasi foli drejtpërdrejt me ministrin. Skandali në rritje sjell në vëmendje frikën më të gjerë në rajon rreth korrupsionit dhe aksesit në vaksina, të cilat janë në mungesë.
Në fillim të këtij muaji, ministrat e shëndetit dhe të jashtëm të Perusë u larguan dhe ish presidenti i saj u vu nën hetim penal pas raporteve të qindra zyrtarëve peruanë dhe të tjerëve që morën doza vaksinash jashtë provave klinike dhe para se të fillonte programi kombëtar i imunizimit. Në Argjentinë, gazetari i njohur vendas Horacio Verbitsky tha se ai kishte marrë një dozë pasi ishte i afërt me ministrin.
“Unë thirra mikun tim të vjetër Ginés González García dhe ai më tha të shkoja në Spitalin Posadas,” i tha Verbitsky, i cili është rreth të shtatëdhjetave, për stacionin radiofonik El Destape.
Që nga dhjetori, Argjentina ka përdorur vaksinën Sputnik V të Rusisë për të vaksinuar punonjësit e shëndetit në vijën e parë. Që nga e Mërkura në Argjentinë, rreth 250,000 njerëz kishin marrë dy doza të vaksinës COVID-19. Vendi me rreth 45 milion njerëz ka konfirmuar mbi 2 milion infeksione koronavirus dhe 51,000 vdekje.
Reuters
