Ministrja e Shëndetësisë, Ogerta Manastirliu ka faldenderuar SHBA-të për ndihmën prej 1 milionë dollar pajisje mjekësore dhe gjithë shtetet që kanë treguar solidaritet. Ajo tha se Shqipëria ia ka dalë falë angazhimit të mjekëve dhe infermierëve që nuk u dorëzuan në asnjë moment të vështirë.
“Dua të falenderoj të gjithë ata që na kanë qëndruar pranë, siç është populli amerikan, qeveria e Shteteve të Bashkuara të Amerikës dhe të gjithë vendet të cilat na kanë mbështetur dhe kanë treguar solidaritetin e tyre, në një kohë totalisht të pazakontë. Përpjekjet tona përgjatë këtyre 15 muajve kanë qenë shumëplanëshe, ja kemi dalë që ti përgjigjemi situatës duke punuar për të forcuar të gjithë nivelet e sistemit tonë shëndetësor, duke filluar me rritjen e kapaciteteve laboratorike, duke synuar për të krijuar një rrjet të survejancës dhe të izolimit të rasteve, me qëllim kufizimin e përhapjes së infeksionit; kemi ndërtuar kapacietete të reja spitalore për t’iu përgjigjur situatës dhe për të mos lënë asnjë qyetetar pa shërbim. Dhe i’a kemi dalë, falë angazhimit të mjekëve dhe infermierëve, të cilët për asnjë moment të vështirë nuk u dorëzuan|”, tha Manastirliu.
Ministrja u shpreh se nuk do të ndalet derisa qytetari i fundit të jetë vaksinuar dhe tha se në Shqipëri kanë mbërritur më shumë se 960 mijë doza vaksine dhe priten sasi të konsiderueshme në ditët në vijim. Ajo tha se heqja e kufizimeve nga Bashkimi Europian është një lajm i mirë, por sërish duhet të tregojmë kujdes.
“Nuk do të ndalemi derisa qytetari i fundit të jetë vaksinuar. Aktualisht në Shqipëri kanë mbërritur në shumë se 960 mijë doza vaksine dhe në ditët në vijim pritet të kemi një sasi të konsiderueshme të vaksinave, të cilat do të sigurojnë edhe hapjen e fashës së grupmoshave, në mënyrë që më shumë qytetarë të vaksinohen.
Lajmi i mirë që kemi marrë sot është që Shqipëria së bashku me 8 vende të tjera jashtë Bashkimit Europian klasifikohet për heqjen e kufizimeve të udhëtimit për udhëtarët jashtë Bashkimit Europian. Dhe ky patjetër që është një lajm i mirë. Por duhet sërish të kemi kujdes dhe çfarë është e rëndësishme për ne si sistem shëndetësor është vijimi i mbajtjes në gatishmëri i të gjithë sistemit”, ka thënë Manastirliu.
