Trajneri Edy Reja ka shpallur listën e lojtarëve të thirrur për ndeshjet kualifikuese ndaj Hungarisë dhe Polonisë, në kuadër të Botërorit “Katar 2022”.
Në listën me 25 lojtarët e thirrur, ka disa ndryshime në krahasim me ndeshjet e kaluara. Rikthehet Ivan Balliu, i cili po bën një sezon të mirë deri tani me Rayo Valecano në Spanjë. Ndërkohë, janë rikthyer të gatshëm edhe Ermir Lenjani dhe Kastriot Demarku e Federik Veseli, të cilët munguan ndeshjet e kaluara për shkak të problemeve fizike. Në listë nuk janë përfshirë mesfushorët Qazim Laçi dhe Armir Anrashi, ky i fundit i dëmtuar disa ditë më parë. Lista nuk ka ndryshime të mëtejshme, ndërsa pas ndeshjeve të fundit me klubet, para ndërprerjes për kombëtaret, lojëtarët do të grumbullohen të hënën.
Dy ndeshjet e ardhshme do të jenë vendimtare për Shqipërinë e cila renditet e dyta në Grupin I, me 12 pikë pas 6 ndeshjes.
Sfida e parë është ndaj Hungarisë në transfertë më 9 tetor, ndërsa kuqezinjtë do të luajnë në shtëpi në “Air Albania” më 12 tetor, ku do të presin Poloninë. Këta të fundit janë aktualisht rivalët direct për vendin e dytë në grup.
Ndërkohë, të hënën pritet edhe konferenca e trajnerit Reja, për të analizuar dy përballjet e radhës së kombëtares.
