Projekti i “Unazës së re” është duke hasur kundërshti të tjera dhe këtë herë nuk bëhet fjalë për banorët e Astirit.
Të tjerë banorëve pritet t’ju prishën banesat dhe mos të shpronësohen dhe bëhet fjalë për ata që jetojnë tek zona e Bregut të Lumit.
Tashmë është lajmëruar se pikërisht ditën e sotme, pritet që të nisë prishja e banesave për hapjen e rrugës, mirëpo kjo është duke hasur në rezistencën e banorëve, të cilët thonë se nuk kanë për të lejuar asnjëherë që shtëpitë e tyre të shemben. Për më tepër ka pasur edhe përlasje mes tyre dhe policisë, prej nga shumë prej tyre janë pajusur me gure dhe shkopinj gati për të sulmuar efektivët blu në rast se afrohen për të shkatërruar strehën e tyre.
“Unë jam banor i Bregut të Lumit. Këtu ka ardhur Policia tani për të na prishur shtëpitë.Ka një numër të madh punonjësish policie këtu. Njerëzit kanë dalë të gjithë në rrugë me mjete mbrojtëse. Tani nuk e di sesi do të vejë puna, ne do të rezistojmë. Tani ka ardhur policia dhe ka përplasje mes banorëve dhe policëve. Ne jemi të pajisur me gurë dhe shkopinj dhe do të bëjmë rezistencë. Jo nuk na kanë dhënë asnjë shpjegim nga bashkia,as dëmshpërblime”, mësohet të jetë shprehur njëri nga banorët.
Këta banorë nuk janë duke protestuar për herë të parë, pasi prej muajsh janë duke kundërshtuar prishjen e shtëpive të tyre dhe në rast se i kap projekti kërkojnë dëmshpërblim. Mirëpo këtu qëndron problemi me Bashkinë e Tiranës, e cila thotë se banorët nuk janë pajisur me dokumentacionin përkatës dhe kjo bën që ata të jenë të detyruar të largohen që aty pa pasur vend ku të shkojnë.
