Artan Lame u nda nga jeta këtë të enjte në moshën 58-vjeçare, pas një jave të shtruar në një spital të Mynihut, Gjermani, ku po trajtohej pas një ishemie cerebrale.
Pavarësisht përpjekjeve të mjekëve, ai nuk arriti të mbijetojë.
I lindur në Tiranë në vitin 1967, me origjinë nga fshati Qytezë në Kolonjë, Lame ka mbajtur gjatë karrierës së tij disa poste në institucionet shtetërore.
Në periudha të ndryshme, ai mbajti këto poste:
• 1999–2000: Drejtor i Trashëgimisë Kulturore në Ministrinë e Kulturës
• 2000–2002: Nënkryetar i Bashkisë së Tiranës
• 2002–2005: Zëvendësministër i Territorit dhe Turizmit
• 2013–2019: Drejtor i Agjencisë së Legalizimit, Urbanizimit dhe Integrimit të Zonave Informale (ALUIZNI)
• 2019–2023: Drejtor i Agjencisë Shtetërore të Kadastrës
Përveç funksioneve shtetërore, Lame ishte një publicist aktiv, opinionist dhe mbrojtës i trashëgimisë kulturore shqiptare.
