Presidenti Ilir Meta ka reaguar për ndarjen nga jeta të artistit Sherif Merdani. Në një postim në Facebook, Meta shkruan se Merdani ishte këngëtar I lirisë dhe la pas shumë dhembje , pasi një sëmundje e rëndë I mori jetën
Meta thotë se Sherif Merdani kaloi një kalvar vuajtjesh pse guxoi të jepte një dritë shprese, nëpërmjet artit, në periudhën më të errët për vendin.
Presidenti i shpreh ngushëllimet familjes dhe komunitetit të artistëve për këtë humbje të pazëvendësueshme dhe thotë se Sherif Merdani do të kujtohet përherë me nderim dhe respekt, ndërsa mesazhin e mbyll me vargjet e këngës së tij.
Postimi i plotë i Presidentit Ilir Meta:
Këngëtari i lirisë, Sherif Merdani u nda sot prej nesh duke lënë pas shumë dhembje.
I burgosur politik, së bashku me të tjerë artistë të mëdhenj pas Festivalit të 11-të të muzikës së lehtë shqiptare, ai kaloi një kalvar të gjatë vuajtjesh pse guxoi të jepte një dritë shprese, nëpërmjet artit, në periudhën më të errët për vendin.
Ngushëllime familjes dhe komunitetit të artistëve për këtë humbje të pazëvendësueshme!
Sherif Merdani do të kujtohet përherë me nderim dhe respekt!
“…Dhe me diellin çdo mëngjes, po, po,
‘Let it be’, kam për të kënduar”.
