Mbrëmjen e sotme ish kryeministri, Sali Berisha ka reaguar pas lajmit për ndarjen nga jeta të gruas së parë në postin e “sekretarit amerikan të shtetit”, Madeleine Albright.
Me anë të një postimi në facebook, Berisha tha se kishte pasur rastin të takohej me Albright në Tiranë në kohën kur kjo e fundit shërbente si ambsadadore e SHBA-ve në OKB. Ndër të tjera, Berisha tha se Albright ishte një mike e shquar e kombit shqiptar.
Reagimi i Plotë nga ish kryeministri, Sali Berisha:
Nderim dhe mirenjohje per miken e shquar te kombit tone, Madeleine Albright!
Te dashur miq, ish Sekretaria e Shtetit Madeleine Albright mbylli syte pergjithmone.
Zonja Albright ishte nje mike e shquar e kombit shqiptar. Ajo vizitoi disa here Shqiperine dhe Kosoven. Une kam patur rastin qe ta pres ate ne Tirane si ambasadore e SHBA ne OKB. Ne krye te diplomacise se SHBA Sekretaria e Shtetit Madeleine Albright u be promotore e fuqishme e angazhimit te diplomacise boterore dhe fuqive ushtarake te Aleances se Atllantikut te Veriut per çlirimin e dy milione shqiptareve ne Kosove. Ajo mbeti deri ne fund te jetes nje avokate e shkelqyer e Kosoves.
Me kete rast duke u perulur me nderimin me te madh dhe mirenjohjen me te thelle para kujtimit te ndritur te Sekretares Albright i lutem Zotit qe shpirti i saj i mire te gjeje paqen e metituar. Amin!
Kujtojmë se Albright ishte sekretare në kohën kur në Kosovë u zhvillua lufta. Ajo vlerësohet se pati ndikim të madh për të bindur SHBA-në dhe botën për krimet serbe që po kryheshin në Kosovë nga ushtria dhe policia serbe.
Në nderim të punës së saj, në Prishtinë vite më parë është ngritur edhe një bust i saj. Ajo ishte Sekretare e Shtetit në periudhën 1997-2001, kur president i SHBA-së ishte Bill Clinton.
