Shkrimtari dhe nobelisti i njohur peruan, Mario Vargas Llosa, ka ndërruar jetë në moshën 89-vjeçare në Lima, Peru.
Lajmin e hidhur e bëri të ditur djali i tij, Alvaro Vargas Llosa, përmes një postimi ku shkroi: “Me dhimbje të thellë ju njoftojmë se babai ynë, Mario Vargas Llosa, ka ndërruar jetë në Lima, i rrethuar nga familja dhe në paqe.”
I lindur më 28 mars 1936 në qytetin Arequipa, Vargas Llosa ishte një prej figurave më të rëndësishme të letërsisë bashkëkohore.
Fitues i Çmimit Nobel për Letërsi në vitin 2010, ai kishte festuar vetëm pak javë më parë 89-vjetorin e lindjes.
Ceremonia e varrimit do të zhvillohet në mënyrë private, sipas dëshirës së familjes, ndërsa trupi i tij do të digjet, në përputhje me dëshirën e vetë shkrimtarit.
Autor i një sërë veprash të rëndësishme letrare dhe eseist i spikatur, Vargas Llosa është vlerësuar me dhjetëra çmime prestigjioze, përfshirë edhe një çmim të rëndësishëm ndërkombëtar në vitin 1994. Ndër romanet e tij më të njohura janë: Qyteti dhe Qentë (1963), Shtëpia e Gjelbër (1966) dhe Biseda në Katedralen (1975).
