Rusia ka shtuar rrjetin e zyrave të fushatës rajonale të Alexei Navalny në listën e organizatës të etiketuar si ‘ekstremiste’.
Lajmi ka ardhur disa ditë pasi një prokuror i Moskës kërkoi të nxjerrë jashtë ligjit zyrtarisht shtyllën kurrizore të lëvizjes politike të Navalny – Fondacioni Kundër Korrupsionit (FBK) – duke pretenduar se është një grup ekstremist.
Pasi u hap lajmi se organizata mund të shtohet në listën e organizatave që promovojnë ‘terrorizmin dhe ekstremizmin’, ai kishte vendosur të shpërndajë rrjetin të enjten.
Ndërkohë, një gjykatë në Moskë po mendon gjithashtu nëse do të deklarojë Fondacionin Kundër Korrupsionit (FBK) të Navalny-t si “ekstremist”. Nëse deklarohet si ekstremist, kjo do t’u japë autoriteteve ruse fuqinë për të ngrirë llogaritë bankare të atyre që janë të përfshirë në organizatë.
Ndërsa po merrej vendimi, Leonid Volkov, shefi i shtabit të ekipit të Navalny, ka siguruar që ekipi i tij do të vazhdojë të punojë në misionin e tyre. “Ne nuk do të heqim dorë”, tha Volkov në një transmetim në internet. Ndërkohë, Volkov është larguar nga Rusia dhe jeton në Lituani.
Navalny, një kritik i Kremlinit, u burgos në shkurt për shkelje të lirimit me kusht pasi qëndroi disa muaj në Gjermani për helimin që iu shkaktuar në vitin 2020 me një agjent nervor.
