Rrëmbimi i avionit me urdhër të Lukashenko-s dhe më pas arrestimi i gazetarit dhe të fejuarës së tij ka shkaktuar reagime të shumta në të gjithë botën. Shumë vende kanë bërë thirrje për lirimin e gazetarit të opozitës, Roman Protasevich. NATO gjithashtu ka bërë thirrje për lirimin e menjëhershëm të gazetarit, Roman Protasevich dhe partneres së tij, Sofia Sapega.
“Ky akt shkel rregullat e aviacionit civil dhe rrezikon jetën e pasagjerëve dhe ekuipazhit. Ne mbështesim një hetim të pavarur, përfshirë Organizatën Ndërkombëtare të Aviacionit Civil (ICAO) dhe gjithashtu mbështesim masat e marra nga Aleatët në përgjigje të kësaj incidenti. Traktati i Atlantikut të Veriut i bën thirrje Bjellorusisë të respektojë të drejtat dhe liritë themelore të njeriut”, shkruhej në thirrjen e NATO-s drejtuar Bjellorusisë.
Pasagjerët në bordin e një fluturimi “Ryanair” u devijua papritmas dhe filloi zbritjen në Bjellorusi. Fluturimi ishte drejtuar për në Lituani nga Greqia, kur u detyrua të ndryshonte drejtimin për në kryeqytetin Bjellorus Minsk të dielën, në mënyrë që autoritetet atje të mund të arrestonin gazetarin disident, Roman Protasevich, 26 vjeç.
Presidenti i Bjellorusisë, Alexander Lukashenko, tha: “Siç e parashikuam, keqdashësit tanë brenda dhe jashtë vendit kanë ndryshuar metodat e tyre për të sulmuar shtetin. Ata kanë kapërcyer shumë vija të kuqe dhe kanë kapërcyer kufijtë e arsyes së përbashkët dhe moralit njerëzor. Unë veprova ligjërisht për të mbrojtur popullin tonë”.
