Shefja e Spitalit Infektiv Najada Çomo ka postuar një foto me mjekun infeksionist Tritan Kalo, ku urojnë shqiptarët për Vitin e Ri.
“Miremengjes nga Ne,dhe Gezuar,, 1.01.2021 ,pas Vizites tek pacientet”, shkruan mjekja, ndërkohë që foto është bërë në afërsi të shtëpisë së tyre të dytë, spitalit Infektiv.
Prej muajsh në krye të detyrës, mjekët e Infektivit kanë qenë ata që e kanë kaluar vitin më të ndarë se kurrë me familjarët, pasi qëndrojnë në frontin e parë të luftës me pandeminë COVID-19.
Ndërsa Kalo në rubrikën e tij të përdhitëshme në Facebook me titull “KOHË KOVIDIANE…” uron: “Gëzuar e vetëm mbarësi për të gjithë Bashkëkombasit e mi në vitin 2021….Mësimi më i madh i jetës që mora në këto 10 muaj e fundit të 40 viteve të mantelbardhësisë ishte fakti se, në ZËMRAT dhe në MËNDJET e njerzve NUKU të fusin as Protagonizmat, as Paratë, as Partitizmi dhe as Gjithollogjia, POR vetëm e vetëm Puna, Përkushtimi dhe Profesionalizmi….Përulem me plot respekt e mirënjohje përpara të gjithë atyre, që me fjalë zëmre më kanë mbështetur të vijoj ballëlartë në këtë udhë sa të vështirë po aq energjisjedhëse të përgjatëdhënies së përkujdesit shëndetsor ndaj atyre, të cilët gjinden në kushte të vështira për shëndetin….PORTA dhe ZËMRA ime do të mbeten kurdoherë të hapura për gjithkënd nga ju….Këto 10 muaj të përballjes me Pandeminë nga Sars-Cov2/Covid-19 ishin edhe muaj mësimesh të mëdha për këdo…..Po citoj vetëm 5 (pesë) MËSIME të vyera për të gjithë: 1- për Politikanët brënda dhe jashtë vëndit se ASNJË SISTEM SHËNDETSOR nuk është perfekt, dhe se çdo gjë duhet rishikuar thelbësisht për ta bërë atë më të DOBISHËM për njerëzimin, 2- Se Solidariteti shoqëror ende çalon shumë sidomos mes “il poppolo Albanese” dhe “ish-brekëgrisurve të djeshëm dhe pasunarëve të sotëm”, të cilët pak ose aspak ofruan në përballjen me këtë “flamë mbarëbotërore”, në vijim edhe të pandjesisë së pas tërmetit të 26 Nëntori 2019, 3- se Politizimi i tejskajshëm që ndodhi me Shëndetsinë pas 22 Marsit 1992, ka hedhur rrënjë të thella në mentalitetin e shumë mjekëve, të cilët shqetësimet e sektorit më shumë i shohin dhe i gjykojnë me “syrin dhe mëndjen e Partisë”, se sa me syrin dhe mëndjen e Mantelbardhit jo militant”.
