Kryeministri Rama ka reaguar menjëherë pasi kreu i Sindikatës së Naftëtarëve të Bashkuar, Sokol Dautaj, bëri me dije se naftëtarët i kanë pranuar propozimet e qeverisë pas takimit të djeshëm me kryeministrin në Fier.
Rama ka shkruar se ndihet i kënaqur që naftëtarët e pranuan propozimin e tij dhe se i falenderon ata për mirëkuptimin dhe besimin.
Ndër të tjera kryeministri ka shkruar se do të takohet përsëri me naftëtarët për të kaluar sa më parë në veprim dhe në mbështetje financiare.
Postimi i Ramës:
“Jam i kënaqur që naftëtarët e pranuan propozimin e qeverisë. I falenderoj për mirëkuptimin dhe besimin. Tani e ka radhën qeveria të kalojë nga mbështetja parimore në mbështetjen financiare. Pa humbur kohë. Brenda 48 orësh do takohem përsëri me përfaqësinë për të kaluar në veprim”, shkruan Rama.
Naftëtarët e Ballshit kanë pranuar ofertën e kryeministrit Edi Rama, që ata do të marrin nga qeveria një pagë mbështetëse për të kryer shpenzimet e nevojshme derisa Rafineria të fillojë punën dhe të gjendet një investitor serioz. Pas diskutimit para Uniziës, naftëtarët janë shprehur se bien dakord që të bisedojnë për të vendosur në lidhje pagën./GazetaReforma.com/
