Në ditën e 15 e grevës së naftëtarëve të Ballshit, naftëtarët deklarojnë se do të dalin nga greva dhe do të shkojnë në qytet për protesta me qytetarët. Gjendja e tyre sa vjen e rëndohet, ndërsa autoritetet nuk iu kanë ofruar zgjidhje. Përpara ambientit ku qëndrojnë të ngujuar naftëtarët janë mbledhur qytetarë të Ballshit si dhe punonjës të tjerë të rafinerisë.
Kreu i Sindikatës së Naftëtarëve, Sokol Dautaj tha se nëse ende nuk do të ketë një reagim nga shteti, atëherë ditën e nesërme grevistët do të hyjnë në ambientet e rafinerisë.
“Unë do të bëj një thirrje. Ku është privati sot. Ku është kompania që administron rafinerinë. Nesër do dalim nga greva dhe do t’i tregojmë shtetit që rafineria është e jona. Nesër ne do të hyjmë në rafineri të shohin ata dollapët tonë. Ne do të shkojmë në drejtim të qytetit, e kemi të drejtë legjitime. Nëse do të na gjenin në shkelje, nuk e di se si do të reagonte shteti” – tha kreu i sindikatës..
/Gazeta Reforma/
