Pas masës së dhënë nga SPAK, gazetari Artan Hoxha ka ndarë detaje të ngjarjes në një intervistë për “Top Story” në Top Channel.
“Herët në mëngjes bastisën shtëpinë time, morën të gjitha pajisjet e punës: celularët, laptopët, USB-të, hard diskët dhe gjithë arkivën time, duke përfshirë materiale të papublikuara që lidhen me çështje të politikës dhe zgjedhjeve,” u shpreh Hoxha.
Megjithatë, sipas tij, gjatë pasdites SPAK kishte pranuar se bastisja dhe sekuestrimi ishin kryer në mënyrë të paligjshme. “Na thirrën, na kërkuan ndjesë dhe na kthyen gjithçka,” tha ai.
Hoxha sqaroi gjithashtu se është nën masën e detyrimit për paraqitje dhe jo arrest shtëpie.
