Elon Musk ka tërhequr vëmendjen me një postim në rrjetin social “X”, ku propozon që Kanali Anglez, ngushtica që ndan Britaninë e Madhe nga Franca, të ndryshojë emrin dhe të emërohet “Kanali i George Washington”.
Nuk dihet ende nëse ky postim është një paralajmërim për një dekret të mundshëm nga administrata e Donald Trump, pjesë e së cilës është dhe Musk.
Ky propozim vjen pas dekreteve të mëparshme të Trump, ku Gjiri i Meksikës u emërua “Gjiri Amerikan” dhe Mali Denali në Alaskë u quajt “Mali McKinley” për nder të Presidentit William McKinley.
