Ish-deputeti Myslim Murrizi ka replikuar ashpër me deputeten e PD-së, Albana Vokshi, e cila prej kohësh i drejton akuzat ndaj qeverisë edhe përmes pyetjeve publike me ChatGPT.
Murrizi ironizon këtë mënyrë të të bërit opozitë, duke e akuzuar Partinë Demokratike se ka heshtur për dy koncesione të mëdha në shëndetësi, me një vlerë totale prej 240 milionë eurosh.
“Meqë ka dalë ky stili i të bërit ‘opozitë’ me Chat GPT, si nuk folët 4 vjet rresht një fjalë për këtë Jani Karathanos KÇK që ka marrë koncesionin 130 milionë euro nga Rama HPS për laboratorët, që edhe godinat ja ka dhënë Qeveria HLB? Po për atë koncesionin tjetër të Ministrisë së Shëndetësisë, atë të dializës, që është 110 milionë euro, si nuk patët kohë ta pyesnit këtë ‘shejtan’ Chat GPT për kureshtje të paktën çfarë do thoshte për Klod ALLB, që ka edhe ai 4 vjet rresht që merr para me thasë e tallet me pacientët hallexhi?”, shkruan Murrizi.
Ai thekson se ndërkohë që prej katër vitesh opozita është marrë me një komision hetimor për dy koncesionet e tjera në Ministrinë e Shëndetësisë, me vlerë 200 milionë euro, nuk është thënë asnjë fjalë për këto dy kontrata që arrijnë në 240 milionë euro.
“Kur të keni kohë, ose kur të ktheheni nga pushimet, i rrasni një të pyetur këtij Chat GPT se mbase ju tregon edhe sa qindra mijëra euro kanë për t’ju ngrohur xhepat Janis Krth dhe Klod ALLB dhe deri kur do rrini si të dhjerë për këto dy konçesionet”, vijon më tej ai.
Murrizi lë të kuptohet se heshtja e opozitës për këto koncesione lidhet me interesa financiare dhe jo me mungesë informacioni.
Reagimi i plotë:
“Meqe ka dale ky stili i te berit “opozitë” me CHAT GPT si nuk folet 4 vjet rresht nje fjale per kete Jani Karathanos K ÇK qe ka mare konçensionin 130 milion euro nga Rama HPS per laboratoret qe edhe godinat ja ka dhene Qeveria HLB.
Po per ate konçensionin tjeter te Ministrisë se Shendetesisë, ate te dializës qe eshte 110 milion euro si nuk patet koh ta pyesnit kete “shejtan” CHAT GPT per kureshtje te pakten çfarë do thoshte per KLOD ALLB qe ka edhe ai 4 vjet rresht qe mer para me thas e tallet me pacientet hallexhi
Se live e pashe qe prej 4 vitesh qe derdelliset ne nje komision gjoja “hetimor” per 2 konçensionet e Ministrisë se Shendetesis me vlerë 200 milionë euro nuk folet apo belbezuat asnje fjal per keto 2 te tjerat qe kane mare 240 milionë euro.
Kur të keni kohë, ose kur të ktheheni nga pushimet i rasni një të pyetur këtij teveqel Chat GPT se mbase ju tregon edhe sa qindra mijëra euro kanë për t’ju ngrohur xhepat dhe deri kur do rrini si të dhjerë për këto dy konçensionet”
