U konsakrua si futbollist në Paris dhe korri suksese fillimisht në Marsejë dhe më pas kudo në Evropë.
Shënoi ndaj Greqisë në “Qemal Stafa” dhe është një personazh i njohur në “Parc des Princes”.
Po flasim për Edvin Muratin, i njohur ndryshe si “Lusha” në ambjentet e kombëtares kuqezi.
Ndaj “atdheut” të tij të dytë, kombëtarja e zemrës, nuk ka se cfarë të humbasë në një sfidë me pak mundësi.
“Lusha” nuk e beson se Deschamps e njeh Shqipërinë më shumë se kolegu Reja që prej kohës kur drejtonin dhe ishin kundërshtar në Serie B.
Muratit i vjen mirë që trajneri vendas, flet mirë për Shqipërinë, megjithëse thotë që deklaratat e tij janë më shumë kortezi se të vërteta.
Në fund, ish-numri 7 i kuqezinjve, nuk i shuan shpresat për kuqezinjtë, por tërheq vëmendjen se lojtarët duhet të ruajnë përqëndrimin dhe të qëndrojnë me këmbë në tokë.
