Kryeministri Edi Rama ka reaguar ashpër ndaj tubimeve elektorale të kryedemokratit Lulzim basha.
“Lus Zotin që për dy a tre javë që i duhen virusit të kapë rrugët e frymëmarrjes, këta njerëz të verbër e të keqpërdorur, të mos përfundojnë spitaleve për mullaqet e Lulëzimit e për mustaqet e Saliu”, shkruan rama në një postim në rrejtet sociale.
Prej ditësh opozita po vijon fushatën elektorale në terren, në mungesë të plotë të maskave dhe distancimit social. Sot lideri opozitar ishte në Korçë, i rrethuar nga disa dhjetëra simpatizantë me flamuj e pankarta në duar.
Kujtojmë se Komiteti Teknik i Ekspertëve në masat e reja që mori, nuk lejon grumbullime masive njerëz me më shumë se dhjetë persona.
MESAZHI I RAMËS
“Të gabosh është njerëzore, të këmbëngulësh në gabim është djallëzore”, thoshin latinët.
Kjo këmbëngulje prej shejtanbudallai në fajin e kërcënimit të shëndetit të njerëzve për interesin mizerabël të një fushate edhe më mizerabël, me makina, bori, zhurmë e turmë, duke bërë përshesh në çdo shesh, është një djallëzi prej njerëzish pa vizion, pa karakter, pa përgjegjësi e as fije njerzillëku
*Sot në Tiranë, ku vazhdon vaksinimi masiv e në Korçë, ku u krye një tjetër faj i shëmtuar infektimi masiv
(Lus Zotin që për dy a tre javë që i duhen virusit të kapë rrugët e frymëmarrjes, këta njerëz të verbër e të keqpërdorur, të mos përfundojnë spitaleve për mullaqet e Lulëzimit e për mustaqet e Saliut)
