Ish-kryeministri i Kosovës, Ramush Haradinaj, në një konferencë për mediat të mbajtur ditën e sotme ka folur edhe për një vizitë që ka pasur në Shqipëri, ka treguar se ka refuzuar marrjen e vaksinës.
Haradinaj thotë se do të presim deri sa të vaksinohet 2/3 e popullit dhe më pas do të marrë vaksinën. Ndërsa pyetjes nëse mjekët dhe mësuesit duhet të vaksinohen ai nuk ka dhënë asnjë përgjigje, por është shprehur se duhet të sigurohen sa më parë vaksina për në Kosovë. Ai ka shtuar se duhet të kërkojnë ndihmën e amerikanëve.
“A duhet me shku mjekët dhe mësuesit me u vaksinu në Shqipëri? Për këtë nuk kam asnjë opinion. Ashtu si vlerëson qeveria mendoj se kanë të drejtë. Ne duhet me siguri vaksinat në Kosovë. Unë nuk e kam marrë vaksinën. Kam qenë në Shqipëri, më kanë lut. A don me e marrë? Thashë jo. U thashë do pres deri kur të vaksinohet 2/3 e popullit pastaj du me e marr edhe unë. Unë nuk e shoh zgjidhje me shku mjekët e mësuesit atje me u vaksinu. Mendoj që duhet me kërku ndihmën e amerikanëve. Për faktin që Amerika ka një bazë ushtarake këtu, ata munden me e ndihmu Kosovën”, u shpreh Haradinaj.
