Moti i keq dhe reshjet e dendura të shiut kanë shkaktuar sërish edhe ditën e sotme problematika të shumta në disa akse rrugore nacionale.
Bëhet me dije se ditën e sotme një masiv i madh dheu është shembur në rrugën nacionale Burrel-Tiranë në afërsi të zonës së Ulzës.
Si pasojë e shembjes së dheut të madh është bllokuar lëvizja e automjeteve në të dy anët për rreth 2 orë.
Bëhet me dije se një makinë ka tentuar të kalojë rrugën pa u pastruar dhe rrezikoi të dalë nga rruga.
Siç shihet edhe në foto për shkak të situatës janë krijuar radhë kilometrike.
Mjetet e firmës dhe policia kanë shkuar në vendngjarje dhe po punojnë për të bërë të mundur lehtësimin e qarkullimit.
Kujtojmë se për shkak të motit të keq, prej disa ditësh shirat e dendur dhe rrëshqitjet e dheut kanë vështirësuar kalimin e makinave në shumë akse të vendit. Si pasojë edhe Autoriteti Rrugor Shqiptar (ARRSH), herë pas herë ka dalur me njoftime zyrtare ku ka paralajmëruar shoferët që të shmangin akset problematike rrugore.
Sipas raportimeve aksi ende ka mbetur i bllokuar edhe pse po punohet për heqjen e masivit të dheut që ka shkaktuar radhë të gjata të makinave./Gazetareforma.com/
