Kryeministri Edi Rama ka zhvilluar pasditen e sotme një mbledhje online me të gjithë kryebashkiakët e zonave të gjelbra që do të kenë lirim të masave duke nisur nga e hëna.
Kryeministri u ka kërkuar që të inspektojnë personalisht të gjithë zonën dhe të kenë kujdes për të mos u kthyer në një vatër infektimi.
“Nuk do të thotë që jeni në zona të paprekshme dhe nuk do të thotë që nuk ktheni në zonë të kuqe nëse rregullar nuk zbatohen. Është e rëndësishme të merrni masat dhe personalisht të ndiqni nga afër të gjithë zhvillimin e kësaj hapjeje pas një periudhe jot ë vogël të mbyllur. Para se t’i jap fjalën ministres dua t’ju them që së pari do të ketë një fashë të veçantë për pensionistët. Pastaj do ketë një orë pushimi. Pastaj cilido që dëshiron mund të dalë dhe mund të lëvizë me makinë pa autorizim. Mund të lëvizin vetëm brenda për brenda. Nuk mund të hyjnë nga jashtë brenda dhe as nga jashtë nuk mund të hyjnë brenda. Do angazhohet edhe Policia, se do të penalizohen. Këto kisha porosi. Ju lutem monitoroni situatën personalisht,”-tha Rama.
Mirëpo, në veçanti Rama i ka bërë thirrje kryebashkiakut të Tepelenës, Tërmet Peçit, që të ketë kujdes në mënyrë që të mos turpërohen, teksa shtoi se është shumë i lëvizur.
Pjesë nga biseda
Rama: O Tërmet, se ti je shumë i lëvizur, aman bëj që të mos turpërohemi andej në Tepelenë.
Peçi: Urdhri yt zbatohet nuk diskutohet këtu. O tërmet o korona, s’bëhet fjalë.
Rama: Mjafton të bllokosh Llogaranë dhe nuk do të ketë asnjë penetrim. Do mundohemi ta zgjerojmë këtë javë, por nuk mund të dalim jashtë këtyre zonave që kanë ende numrin zero me të infektuar. Do hapet pjesa e lëvizjes, aktivitetit sociale në distancë. Për këtë, maji është vendimtari, por duhet të jetë edhe një punë e madhe ndërgjegjësimi me njerëzit.
Peçi: Po, komandant.
https://www.facebook.com/edirama.al/videos/837459690081772/
