Ditën e sotme Gjykata e Tiranës ka dhënë vendimin për futbollistin e bardhebluve Winful Cobbinah pas akuzave për falsifikim dokumentash.
Fillimisht Gjykata e dënoi me 4 muaj burg lojtarin e Tiranës që u kap nga autoritetet policore në Rinas me leje qëndrimi të falsifikuar, por për shkak se ai nuk është një person me rrezik shoqëror, dënimi është konvertuar. Ndaj tij është dhënë vendimi përfundimtar për 100 orë punë me interes publik.
Ganezi ka qenë gjatë këtyre ditëve në qendër të vëmendjes së mediave, pas skandalit se presidenti Meta po u jepte nënshtetësinë shqiptare disa personave duke shkelur të drejtat që ligji i jep si president.
Ndërkohë kujtojmë se Cobbinah mori nënshtetësinë shqiptare pak para ndeshjes me Young Boys në Zvicër me kërkesë të klubit të tij përfaqësues, Tirana.Futbollisti ganez, rrezikonte të mos merrte pjesë në sfidën e Europa League pasi nuk kishte vizë, dhe për këtë klubi iu drejtua presidentit Ilir Meta. Meta ia dha nështetësisë Cobbinah, pa e verifikuar procedimin penal që ishte në ngarkim të tij.
