Një aksident tragjik ka ndodhur sot rreth orës 16:30 të pasdites. Mësohet se si pasojë e një aksidenti automobilistik, ka ndërruar jetë një 14-vjeçar.
Ky i fundit kishte marrë makinën e të atit për të shëtitur me shokët, por aventura përfundoi në tragjedi.
Tragjedia ka ndodhur në rrugën Sallagrazhdë-Baqevc.
Njoftimi i policisë:
Kemi pranuar një informatë se mes fshatit Mushtisht dhe Sallagrazhdë, ka ndodhur një aksident trafiku ku një fëmijë ka humbur jetën dhe dy të tjerët kanë pësuar lëndime të rënda. Të lënduarit janë dërguar në spitalin rajonal në Prizren. Deri te aksidenti ka ardhur si pasojë e mospërshtatjes së kushteve rrugore. Viktima dhe dy të lënduarit dyshohet se kanë qenë rreth moshës 14-vjeç, ku njëri prej tyre ka qenë ngasësi i veturës.
Ndërkohë po sot, në aksin rrugor Prishtinë-Lipjan, mori jetën e një vajze të mitur, vetëm 9-vjeçe. Aksidenti la pa shenja jete vajzën, ndërsa plagosi rëndë tre persona të tjerë. Bëhet e ditur se në aksin rrugor Prishtinë-Lipjan, dy makina janë përplasur kokë më kokë me njëri-tjetrin duke i shkaktuar vdekjen e menjëhershme të miturës, e cila ishte pasagjere në një nga mjetet. Ndërkohë tre të plagosurit të cilët kanë marrë plagë të rënda në trup, janë dërguar me urgjencë në spital.
