Presidenti Ilir Meta në një deklaratë për mediat ditën e sotme gjatë zhvillimit të një aktiviteti është shprehur se 100 votat e djeshme në Kuvend i quan të pavlefshme.
Madje ai është përgjigjur me ironi ndaj kryeministrit Edi Rama, duke thënë se dekreti mund të gjykohet edhe nga gjykata në Skrapar që nuk ekziston.
“Presidenti është zgjedhur nga parlamenti, por jo nga ky, por nga një parlament legjitim. Presidenti i takon Republikës dhe Republika i takon vetëm qytetarëve”, tha Meta.
Sa i përket datës së zgjedhjeve, Presidenti u shpreh:
“Po punojmë me shumë qetësi dhe me shumë përgjegjësi për datën e re të zgjedhjeve. Dekreti mund të gjykohet edhe nga gjykata e Skraparit që nuk ekziston, presidenti nuk ndalon asnjë të çmendet. Shqipëria ka nevojë për zgjedhje të lira dhe të ndershme sepse vetëm ato lejojnë integrimin e vendit. Kush dëshiron të ecë në rrugën e papërgjegjshmërisë.”
“Dekreti mund të gjykohet edhe nga Gjykata Skrapar që nuk ekziston”, – ironizoi Presidenti Meta.
