Deputetja Monika Kryemadhi është paraqitur në SPAK, në zbatim të vendimit të GJKKO, e cila i ka caktuar masën e sigurisë “detyrim për t’u paraqitur”. Ajo po hetohet për tri akuza: pastrim parash, korrupsion dhe mosdeklarim të të ardhurave.
E pyetur nga gazetarët nëse kishte ndonjë arsye për veshjen me rroba të zeza, Kryemadhi u përgjigj shkurt:
“Nuk është se kam ndonjë gjë të keqe, por do ua them pastaj.”
Më 23 tetor, GJKKO vendosi të lërë në fuqi masën e detyrimit për t’u paraqitur ndaj Kryemadhit, si dhe për të hetuarën tjetër, Ema Çoku, e cila akuzohet për pastrim parash.
Ndërkohë, për Piro Xhixhon, i hetuar për korrupsion pasiv, masa e sigurisë u zëvendësua nga “arrest në shtëpi” në “detyrim për t’u paraqitur”.
Të tre personat nën hetim duhet të paraqiten një herë në muaj pranë zyrave të Policisë Gjyqësore pranë SPAK, në përputhje me masën e sigurisë të caktuar nga gjykata.
